KALIBO, Aklan—Ginkumpirma it Department of Health (DOH) nga nagapabilin sa high-risk ro Western Visayas bangud sa spike it COVID-19 cases ag numero it mga gina-admit sa ospital.
Suno kay DOH chief epidemiologist Althea de Guzman nga mag-euwas sa Western Visayas, high-risk man ro Davao ag ro Cordillera Administrative Region.
Suno kay De Guzman, ro mga sa nasambitan nga mga rehiyon ro may positive two-week growth ag mas mataas nga average daily attack rates (ADAR) umpisa ko June 27 hasta July 10 kung ikumpara sa numero it mga kaso sa nagtaliwan nga daywang dominggo.
Base sa data it DOH, okupado eun ro 87% it COVID-19 beds sa intensive care units sa Western Visayas as of July 10.
Ro ICU occupancy rate man sa Davao hay una sa 81%, samtang 68% man sa Cordillera.
