Ginpahayag it Department of Health (DOH) nga haom ro mga emergency department it andang mga ospital nga magresponde sa mga pasyenteng makaeksperyensya it sakit nga may kaangtanan sa init kapin eon ag ginaeauman ro pagtaas it kaso makaron nga tag-init.
Suno kay Health Secretary Teodoro Herbosa, kaeabanan sa mga sakit nga tuga it init hay uwa nagakinahang-ean it ospital mag-eowas sa mga seryosong kaso kaparehas it heat stroke ag heat exhaustion.
Laygay it DOH kinahang-ean eamang ma-cool down, mag-inom it tubi ukon punasan para makarekober apang ro Heat stroke suno kana hay kinahang-ean daehon sa opsital.
Dugang pa nana, haom ro mga emergency department para sa makaraya nga klase it kondisyon.
Ginlaygayan man nana ro publiko nga magpabilin nga hydrated ag likawan ro grabeng pagkaeantad sa adlaw eabi eon ro mga onga ag magueang.
Suno sa World Health Organization (WHO), ro heat stress ro nagapangunang rason it mga pagkamatay nga may kaangtanan sa init it panyempo.
Pwede man raya nga magpalala it mga nagairal nga sakit kaparehas it cardiovascular disease, diabetes, mental health issues, ag hika.
