Magataeana ro Department of Health it una sa 201 nga mga medical personnel sa kahabaan it ruta it Traslacion sa adlaw it Huwebes.
Suno sa DOH nakikipag-angot eun sanda sa nagkaeain-eain nga ahensiya ag sa Manila City Government para sa pagpatindog it medical stations.
Pila sa mga lugar nga andang butangan hay ro Quirino Grandstand, Ayala Bridge, Rizal Park ag Quinta Market.
Ro 201 nga mga tawuhan hay halin sa Health Emergency Response Team (HERT) it 20 pabuengan sa DOH sa Metro Manila kaibahan kara ro Jose R. Reyes Memorial Medical Center (JRRMMC), Tondo Medical Center (TMC), Dr. Jose Fabella Memorial Hospital (DJFMH), ag East Avenue Medical Center (EAMC).
Nakapahaom man ro Metro Manila ingkaso nga daehon ro mga pasyente nga nagakinahangean it atensyon medikal.
