-- ADVERTISEMENT --
Magatao ro Department of Health (DOH) it libreng routine ag catch-up immunization para sa mga eapsag umpisa Hunyo 30 hasta Hulyo 1.
Suno kay Health Undersecretary Maria Rosario Vergeire, kaibahan sa mga bakunang posibleng igatao ro BCG Vaccine, Hepatitis B, Penatavalent, Oral Polio, Inactivated Polio, Pneumococcal Conjugate ag Measles-Mumps-Rubella.
Ginpahayag pa it opisyal nga maskin nga raya eon ro ulihing buean nga may Chikiting Vaccination Days, owa man sigon magatapos ro andang routine vaccination campaigns.
Ginpadumdum man ni Vergeire ro publiko nga magapabilin nga available ro mga bakuna sa mga health center.
