Sa tunga it limitadong suplay it tubi tuga it dry season, nagpadumdom ro health authorities sa publiko nga takpan it maayos ro andang water containers para malikawan ro kapin pang pag-abo it mga pasyenteng ginatamaan it dengue nga sakit daea it eamok nga nagapamugad sa mga nakatiwangwang nga tubi.
Suno kay Department of Health Officer-in-charge Ma. Rosario Vergeire nga ro masaming rason it pagtaas it kaso it dengue hay ro kakueangan it tubi bangud sa kada nagakueang sigon ro suplay it tubi, masami nga nagatipon ro mga tawo sa containers, balde ag palanggana nga naaywanang nakatiwangwang.
Paathag pa it DOH official nga ro eamok nga may daeang sakit nga dengue hay paboritong mag-onga sa stagnant water ukon natipong tubi nga makit-an sa water containers it panimaeay.
Rason nga dapat takpan ro mga container nga ginatipunan it tubi agud mapunggan ro pag-abu kara.
Ginalaygayan ro publiko nga regular nga maglimpyo sa palibot agud malikawan nga maattract ro eamok nga masaming nagapamugad sa mahigko, madueom ag maisot nga lugar.
