Ginsuhesiyon it Department of Health (DOH) sa administrasyong Marcos ro uman nga pagtumod sa terminong “fully vaccinated” para maeakip ro mga nakabaton eon it andang unang COVID-19 booster shot.
Suno kay DOH officer-in-charge Maria Rosario Vergeire nga ginduso eon it DOH ro nasambit nga naturang plano sa nagtaliwan nga administrasyon, apang raya hay ginpaiway bangud sa pag-una nga buksan uman ro ekonomiya nga eubusan nga naapektuhan it pandemya.
Una kara, padayon nga ginapadumdum ni Pangueong Ferdinand “Bongbong” Marcos Jr. sa publiko nga magpaidaeom sa andang booster shot bilang dugang proteksyon kontra sa COVID-19.
Ginlunsar man it DOH ro kampanya kara sa PinasLakas nga may katuyuan nga pabaskugon ro 23.8 milyong Pilipino ukon 50% it populasyon sa sueod it unang 100 adlaw it administrasyong Marcos.
Tuyo man kara nga pagabakunahan ro kapin sa 90% nga mga target nga senior citizen sa sueod it parehong tyempo.
