Health News——-Uman nga nagpadumdom ro Department of Health (DOH) sa publiko angot sa posibilidad nga matapnan gihapon it COVID-19 maskin nag-negatibo eon sa coronavirus testing.
Pahayag raya it ahensya matapos uman nga hambaeon it World Health Organization (WHO) nga uwa it garantiya nga “infection free” eon ro mga indibidwal nga negative ro test result sa COVID-19.
Pilang indibidwal sigon ro napabalitang ginagamit ro andang negative test results para makaadto sa mga lugar ag makatambong sa pilang pagtililipon.
Ginpaathag ni Health Usec. Maria Rosario Vergeire nga nagapa-test eamang dapat ro indibidwal sa tunga it ika-lima hasta ika-pitong adlaw halin kat makaangkon imaw it exposure sa confirmed case.
Naka-depende man sigon sa klase it test nga ginamit ro posibilidad nga tama ukon saea ro resulta.
Ginklaro it Health spokesperson nga pagkatapos pa it 21-diyas halin kat magkasakit ro indibidwal antes makapguwa it tamang resulta ro rapid antibody tests.
