HEALTH News — Sumuporta ang Department of Health (DOH) sa panukalang Magna Carta para sa Barangay Health Workers (BHWs) na naglalayong magtakda ng pamantayan sa pagsasanay, akreditasyon, at integrasyon ng mga BHW sa primary care network ng bansa.
Uusad ang panukala matapos maaprubahan sa antas ng komite ng Senate of the Philippines. Layunin nitong kilalanin ang mahalagang papel ng mga BHW sa serbisyong pangkalusugan sa komunidad at matiyak ang patas na kompensasyon, seguridad sa trabaho, at tuloy-tuloy na pagsasanay.
Kasabay nito, bumubuo ang DOH ng training program katuwang ang Technical Education and Skills Development Authority na magbibigay ng National Certificate II sa mga nais maging BHW upang higit na mapalakas ang primary healthcare at serbisyong pangkalusugan sa mga komunidad.
