Nagbilog eon it special panel of prosecutors ro Department of Justice (DOJ) para magpatigayon it komprehensibong case build-up ag imbestigasyon sa natabu nga shooting incident sa Senado.
Suno kay Justice Secretary Fredderick Vida, pagataw-an it gahum ro special panel agud nga magpatigayon it patas ag madaeum nga imbestigasyon, kapareho it gahum nga mag-isyu it subpoenas.
Ginmanduan man it DOJ ro Philippine National Police (PNP) Pasay, ro Scene of the Crime Operatives (SOCO) ag National Bureau of Investigation (NBI) nga ipreserba ro mga ebidensya ag isumite sa sueod it 48 oras.
Partikular nga ginapa-secured hay ro mga ballistic report, incident reports, communication logs ag mga forensic evidence.
Maga-request man ro DOJ sa Office of the Sgt-at-Arms nga isumite ro andang report.
Nagpanawagan man si Vida sa mga nakasaksi, kapareho it media nga i-share ro andang ginabuytan nga picture ukon video footage nga posibleng makabulig sa imbestigasyon sa natabu nga einupok sa Senado.
