Uwa it nakikitang isyu ro Department of Justice (DOJ) sa pagtao it clemency kay Mary Jane Veloso, ro Pinay nga ginsentensyahan it kamatayon sa Indonesia may kaangtanan sa ilegal nga droga nga napauli sa Pilipinas matapos ro masobra sa 14 anyos nga pagkakulong sa Indonesia.
Apang, ginklaro it DOJ, ro nasambit nga desisyon hay nakasalalay kay Pangueong Ferdinand Marcos Jr.
Ginpahayag ni Justice USec. Raul Vasquez nga ro DOJ ro sambilog sa mga lupon nga pwedeng magrekomenda kay Pangueong Marcos para sa masunod nga magiging tikang sa kaso ni Veloso.
Ginklaro it opisyal nga uwa it special treatment kay Veloso samtang nakadetine raya sa Correctional Institution for Women para ipadayon ro pagserbe sa anang sentensiya.
Maskin ginpasiguro it DOJ official nga namanduan ro Bureau of Corrections (BuCor) nga siguruhon ro kaeowasan ag kapakanan ni Veloso.
