Gin-engganyo ni Department of Labor and Employment (DOLE) Undersecretary Benjo Benavidez ro mga minimum wage earner nga mag-avail it Ayuda sa Kapos Ang Kita Program (AKAP).
Suno kay Benavidez, ro nasambit nga programa hay hungod nga ginhimo para mabuligan ro mga trabahante nga nagasweldo it minimum wage ag below minimum wage.
Ro kontrobersyal nga AKAP hay sangka government assistance program sa idaeom it Department of Social Welfare and Development (DSWD) ag National Economic Development Authority.
Suno pa kay Benavidez, pwedeng makabuoe ro mga trabahante it salary certification halin sa andang mga employer ag isumite raya sa DSWD.
Tanan nga aplikasyon hay magapaidaeom base sa ginasunod nga guidelines sa implementasyon.
Suno pa sa DOLE official, kon magiging benepisyaryo ro mga raya hay igasapubliko man ro andang mga rekord ag pwedeng makit-an it Commission on Audit (COA).
