KALIBO, Aklan—Ginapadayun makaron nga dag-on it Department of Labor and Employment ukon DOLE ro andang Special Program for Employment of Student (SPES).
Suno sa bag-ong DOLE Provincial Head nga si Joselito Dela Banda nga ro mga pamatan-on nga estudyante ro eubus nga makabenepisyo sa nasambit nga programa.
Ginsuspinde sigon ro programa ko nagtaliwan nga dag-on bangud sa pandemya.
Ginpaathag nga tuyo kara it mataw-an it oportunidad ro mga pamatan-on nga makapagtrabaho ag mas pang mapamayad ro andang ikasarang.
Gindugang pa ni Dela Banda nga pinaagi sa suporta it ibang ahensya it gobyerno ag pribadong sektor, ro SPES hay sangka summer employment program para sa mga estudyante nga igapaidaeum sa pagtrabaho agud nga mapataas ro andang kasayuran sa pampublikong serbisyo.
Samtang, nagapadayun man sigon ro CAMP ag TUPAD program para sa mga empleyadong naapektuhan it covid 19 pandemic.
Samtang, si Dela Banda ro nagbueos kay dating DOLE Aklan head Carmela Abellar epektibo ko Enero 27, 2021.
Apang dati man suno imaw nga na-assign sa Aklan ko 2005 hasta 2012.
