Ginbatikos ni Labor Secretary Bienvenido Laguesma ro pagkaeakip it Pilipinas sa listahan it International Trade Union Confederation’s top 10 worst countries for workers.
Suno kana, bukon raya it makatwiran ag uwa nagasaeaming sa presenteng sitwasyon it nasyon.
Makasueobo sigon ag bukon it makabaeaton ro gintao nga rating it International Trade Union Confederation sa nasyon kon sa siin gintaw-an kara ro Pilipinas it rating nga 5.
Ginsambit dugang ro red-tagging ag pagpatay sa Filipino labor unionist, kaibahan sanday BPO Industry Employee Network organizer Alex Dolorasa ag Kilusang Mayo Uno (KMU) organizer Jude Thaddeus Fernandez nga nagkriar sigon it kahadlok ag pagpahipos sa boses it mga trabahador.
Mag-eowas kara, ginkwestyon man ni Laguesma ro kakueangan sigon sa access sa kinamatarong it mga trabahante kon sa siin gin-insister kara nga ro nasambit nga kaso hay bukon it bastante para mapabahin ro Pilipinas sa listahan it worst countries.
