KALIBO, Aklan—Ginrekomenda it Department of Labor and Employment (DOLE) ro pagsuksok it mga empleyado it face shields samtang una sa andang trabaho.
Suno kay Niezel Sabrido, spokesperson it DOLE Region 6 nga base sa naging pahayag ni Labor Sec. Silvestre Bello III, raya hay bilang pagsunod sa protocol it Inter-Agency Task Force (IATF) kung sa siin nagatuyo nga maging euwas ro mga empleyado sa coronavirus disease ukon COVID-19 samtang naka duty.
Ginapahayag dugang nga dapat sabton it mga employers ro pambakae it mga face shields nga pagagamiton it andang mga employees.
Ro mga kompanyang indi magsunod hay magapangatubang it administrative penalties.
Mag-euwas sa social distancing, dapat man nga ipatuman sa mga workplaces ro sanitary ag health protocols kapareho eamang it paghugas it alima ag temperature check.
