DOLE, gustong mabawasan it 30 porsyento ro kaso it child labor sa nasyon

Target it Department of Labor and Employment (DOLE) nga mabawasan it 30 porsiyento ro child labor practices sa nasyon makaron nga dag-on.

Ginpahayag it ahensiya nga kaparte raya it kampanya it gobyerno nasyonal nga tuldukan ro child labor sa pamaagi it nagkaeain-eain nga programa ag proyekto.

Naka-sentro ro workshop sa pag-representa sa ap-at nga kinamatarong it mga unga nga ginakaeakipan it Survival, Development, Protection, ag Participation.

Ro mga partisipante hay ginmanduan nga tumuron ro pang mabuhayan nga katuyuan agud nga mapunggan ro mga unga nga maki-parte sa labor market.

Kung madumduman, gin-engganyo ni Labor Secretary Buenvenido Laguesma ro mga labor officials sa bilog nga nasyon nga unahon ro pagbuoe it child labor sa Pilipinas.