Kalibo Aklan —– Ginklaro ni Niezel Sabrido, tagapaghambae it Department of Labor and Employment (DOLE) Region VI nga ro sakop sa programa it ahensya hay ro mga formal ag informal sektor.
Raya hay ro mga nagatrabaho sa pribadong kompanya ag ro mga una sa estado it low income nga totally nga nawad-an it trabaho bangud sa 2019 coronavirus disease (COVID-19) pandemic.
Suno kana, employeer eamang ro pwede nga mag-apply ag maka-proseso it mga requirements nga ginapangayo it ahensya para sa andang mga empleyado agud nga maka-avail it P5,000 pesos nga financial assistance nga direktang igata-o sa empleyado pinaagi sa bank account ukon remittance center.
Pinaagi sa programa nga COVID-19 Adjustment Measures Program (CAMP) hay mataw-an it assistance ro mga empleyadong naapektuhan it makamaeatay nga sakit.
Samtang sa TUPAD #BKBK hay mataw-an it trabaho ro mga una sa low income nga totally nga nawad-an it trabaho ag ro temporaryo nga maging trabaho it mga beneficiary hay ro pag panglimpyo ag pagdis-infect it bilog nga baeay.
Suno pa kay Sabrido, haeos tanan nga applications nga andang ginaprocess makaron hay halin sa probinsya it Aklan partikular sa Isla it Boracay.
Sanda sigon ro una nga nagpasa it application sa DOLE region VI rason nga sanda ro prayoridad makaron nga unang maproseso.
First come, first serve suno kana ro proseso it ahensya apang ginpasiguro kara nga tanan nga apektadong empleyado it Western Visayas nga nag-apply sa idaeom it CAMP hay makabaton it cash assistance.
