KALIBO, Aklan—Nagpanawagan ro Department of Labor and Employment (DOLE) sa mga kwalipikadong indibidwal nga mag-apply sa second tranche it Covid-19 Adjustment Measures Program (CAMP).
Suno kay Niezel Sabrido, tagapaghambae it DOLE Region 6 nga pwede eun nga mag-apply pamaagi sa online ro mga empleyadong naduea-an it trabaho agud nga makabatun it ayuda maghalin sa gobyerno.
Raya hay para eamang sa mga trabahador nga nagatrabaho sa pribadong sektor ag eubos nga naapektuhan it krisis bangud sa COVID -19 pandemic.
Sa pihak kara gin-engganyo man nana ro mga nakabatun it SBWS nga ibalik ro andang nabatun nga ayuda maghalin sa DOLE CAMP.
Gin-eksplekar dugang nga una sa sistema it pag-apply it mga employer sa SBWS hay may portion nga dapat i-check ro employer nga “yes or no” kung ro empleado hay may nabatun nga ayuda maghalin sa DOLE CAMP.
Apang may mga nakalusot sigon ag nakabatun it ayuda sa SBWS bangud nga gintsek it emplpyer ro portion nga “NO” ukon owa it nabatun nga ayuda maghalin sa DOLE CAMP.
Dugang pa kara nga dapat makabatun ro sangka empleado it daywang tranche it parehong ayuda maghalin sa DOLE ag SSS.
Ro igauli it mga empleyado nga ayuda hay igadeposito it employer sa gintao it SSS nga account sa Land Bank.
