Nagtaeana it kapin sa P100 milyon ro Department of Labor and Employment (DOLE) para sa andang programa nga libreng COVID-19 testing sa mga bag-ong hire nga empleyado.
Ginpahayag ni Labor Secretary Silvestre Bello III nga tuyo kara nga bawasan ro kabug-at it paeas-anon it mga pumueoyo nga newly-hired jobseekers sa nagkaeain-eain nga sektor.
Ro programa hay base sa DOLE Department Order 232 Series of 2022 nga ginpirmahan ni Bello nga nagasakop sa mga jobseekers halin Pebrero 1, 2022 nga owa nakabuoe it posisyon bangud sa kawad-an it negatibong resulta it RT-PCR test.
Kinahang-ean eamang nga magsumite ro mga new hire it photocopy it valid government-issued ID, duly accomplished subsidy application form ag iba pa sa pinakamaeapit nga DOLE field office agud nga insigida raya nga ma-endorso sa mga natungdan nga regional office matapos ma-evaluate.
Makabaton man it email ukon SMS ro mga aplikante sa sueod it five working days kung siin dikara masayuran kung aprubado ukon bukon.
