KALIBO, Aklan—Nakataeana nga igapanupod sa Disyembre 31 ro cash assistance nga igatao it Department of Labor and employment sa idaeum it programang “TUPAD” (Tulong Panghanapbuhay sa Ating Disadvantaged/Displaced Workers) para sa mga underemployed nga workers sa probinsya it Aklan.
Suno kay Carmella Abillar, provincial director it DOLE-Aklan nga kung nakompleto it sangka trabahador ro gintaeana kana nga 15 diyas para sa pagtrabaho hay makabatun raya it kapin sa 5,925 pesos.
Madumduman nga sandig sa ginpaguwa nga memorandum it labor department nga ro pwedeng makasueod sa programa hay ro mga underemployed ag self-employed nga trabahador ag naduea-an it trabaho bangud sa ginpatuman nga community quarantine.
Sa programa, makabatun it sweldo ro mga kwalipakong trabahador ag maga-ubra sa sanitation projects kabaylo it minimum wage nga sweldo sasueod it 15 diyas .
Ro nasambit nga sweldo hay pagaboe-on man sa andang tagsa ka mga local government unit ukon LGU.
Nasayuran nga umpisa kat nagpatuman it lockdown bangud sacovid-19 maabo ro naging program it DOLE.
Kaeakip eun kara ro COVID-19 Adjustment Measures Program (CAMP) para sa mga displaced formal workers, Abot Kamay Ang Pagtulong (AKAP) Program para sa mga naduea-an it paeangitan-an nga mga Overseas Filipino Workers (OFWs) ag ro Tulong Panghanapbuhay sa Ating Disadvantaged/Displaced Workers (TUPAD) Program para man sa mga naapektuhang informal workers.
