KALIBO, Aklan—Masobra sa 74,000 ka application sa idaeom it Covid-19 Adjustment Measures Program ukon CAMP ro nabaton it Department of Labor and Employment ukon DOLE sa bilog nga Western Visayas.
Suno kay Niezel Sabrido, tagapaghambae it DOLE region VI nga sa nasambitang numero, 15,000 hasta it 16,000 ro naghalin sa probinsya it Aklan partikular sa isla it Boracay.
Ginpahayag pa ni Sabrido nga ro Aklan ro unang nagsumiter it aplikasyon halin kat nagpaguwa it anunsyo ro ahensya kon sa siin naging madasig ro employer sa pag-apply it andang mga empleyado para makabaton it ayuda tuga it Covid-19 pandemic.
Eubus nga naapektuhan suno kay Sabrido sa Aklan ro isla it Boracay bangud haeos tanan nga negosyo hay nagsarado tuga it kawad-an it mga customers partikular kat ginpaidaeom sa lockdown ro probinsya.
Ro mga employeers sigon sa Aklan ro unang nagsumite it aplikasyon partikular kat ginpaidaeom sa enhanced community quarantine ro probinsya.
Samtang, gin-engganyo ni Sabrido ro mga empleyado nga may reklamo nga magpadueong eamang sa andang field office iya sa banwa it Kalibo partikular ro mga ginterminate it andang employeer sa tunga it Covid-19 pandemic.
