KALIBO, Aklan—Pwede eon nga magpa-booster shot kontra sa COVID-19 ro mga domestic ag foreign tourists nga magabakasyon sa Isla it Boracay.
Suno kay Department of Tourism (DoT) Secretary Bernadette Romulo-Puyat sa anang pagbisita sa isla, buhos eon ro mga turistang nagasueod sa Boracay, kun sa siin, nakalista ko Biyernes it pinakamataas nga tourist arrivals nga nag-abot sa 3,982 nga puro domestic tourists.
Nasayuran nga nagapangunang requirements agud nga makasueod sa Boracay ro negatibong RT-PCR test sa mga bukon pa it fully vaccinated ag vaccination card ukon certificate sa mga bakunado.
Nag-abot eon man sa 100 porsiyento it trabahador ag residente sa boracay ro fully vaccinated kontra sa deadly virus.
Gin-umpisahan eon man ro pagtau it booster shots sa mga tourism workers ag pagbakuna sa age group nga lima hasta 11 anyos.
