Kalibo Aklan ——–Sangka domestic helper maghalin sa Capiz ro posibleng pinakaunang Filipino nga nakaangkon it Covid-9 sa Hong Kong ag namatay sa Caritas Medical Center sa Sham Shui Po Hong Kong.
Owa pa sa makarun naipaguwa ro opisyal nga resulta it rason it pagkamatay ni Magelyn Distor Handoy 53-anyos ag residente it Panitan, Capiz.
Apang suno kay Bebelyn Rendon, bayaw it biktima nga antes ro kamatayon it biktima nagka-istorya pa sanda sa telepono ni Handoy kun sa siin na-obserbahan kara nga nabudlayan sa pagginhawa ro biktima nga ginhambaean nga positibo raya sa Covid-19.
Ginpahayag pa ni Rendon nga ginhambaean imaw it employer ni Handoy nga napatay sa Covid-19 ro biktima.
Apang suno kay Consul General Raly Tejada nga bukon pa it kumpirmado ro report bangud ginahueat pa sa makaron ro official result it rason it kamatayon it biktima.
Sa makaron nagapakig-anguot eun ro konsulada sa pamilya ni Handoy sa Anit-an.
Nasayuran nga nakatapos eun it anang second dose it Sinovac vaccine si Handoy ko nagtaliwan nga buean it Hulyo.
