KALIBO, Aklan—Nabatyagan eon it mga bumaeakae ag konsumidor ro domino effect it sigidas nga pagtinaas ko presyo it produktong petrolyo.
Suno kay Roselyn Relado, price monitoring focal person it Office of the Provincial Agriculture nga sa kada pagpangusisa nanda hay may limang respondents sandang ginabueo ag dikara nakabase ro andang report.
Haeos tanan nga agri-fishery products nga ginaproduce it mga mangunguma ag mangingisda hay nagsitaasan ro presyo.
Ro mga tinuean-on nga nagahalin sa ibang probinsya hay nataeopangdan eon ro pagtaas it presyo kara.
Apang, mas mabahoe suno kay Relado ro epekto sa producer it asukar ag mantika bangud nga sa proseso pa eamang kara hay nagagamit eon sanda it petrolyo.
Pag-abot suno kana sa isda, nagsunod man ro presyo kara sa karne rason nga uwa eon it mabakae nga baratong isda makaron sa merkado nakadepende eon lang kon maabo ro supply.
Sa pihak kara, may mga lokal nga mangunguma gihapon nga maabo ro ginaproduce nga mga tinuean-on ag raya sa makaron ro makit-an sa mga merkado nga masarangan nga bak-eon adlaw-adlaw.
