Ginpasiguro ni DOST Secretary Renato Solidum Jr., ro suporta it ahensya sa MFTrike, sangka locally made electric tricycle ukon e-trike nga himo it MF Boracay Motors OPC, nga gin-feature sa “Banwa it Inobasyon, Science, Technology and Innovation Exhibits 2026” sa banwa it Kalibo.
Suno kay Sec. Solidum, gin-eakip eon nanda ro MF Boracay Motors sa andang Small Enterprises Technology Upgrading Program (SETUP), kun sa siin pagabuligan ro kompanya sa pagpa-umwad it mga piyesa, bag-ong teknolohiya ag mechanization.
Ro MFTrike hay nagagamit it 100-porsiyentong electric power, LFP battery ag 13.5-kilowatt motor, nga may maximum speed nga 60 kilometro kada oras ag seating capacity nga waeong katawo kaibahan ro driver.
Tuyo it exhibit nga ginbuksan ni Sec. Solidum nga maipakita ag masuportahan ro mga lokal nga inobasyon sa Western Visayas para sa mas malimpyo ag sustainable nga transportasyon.
