KALIBO, Aklan —- Ginapatutukan it Department of Tourism sa Boracay Inter-Agency Task Force ro numero it mga turista nga magasueod sa Isla it Boracay.
Raya hay matapos nga eumampas ro numero it mga bakasyunista sa gintaeana nga carrying capacity ko nagtaliwan nga Holy Week.
Suno kay Tourism Secretay Bernadette Romulo-Puyat, antes pa man ro pandemya hay hasta sa 19,000 eamang ro pagapasugtan nga makasueod sa Boracay apang sumaka raya sa 22,000 ko Semana Santa.
Nagakabaeaka sigon ro sekretaryo sa sitwasyon eabi pa ag may mga turista nga owa nagasunod sa mga health protocols.
Mag-eowas kara, ginpaandaman man ni Puyat ro mga hotel nga owa nagasunod sa mga gintaeana nga guidelines it Department of Tourism (DOT).
Ginpadumdum ni Puyat nga kon mapamatud-an nga may pag-eabag ro mga hotel ag resort hay posible raya nga mapasarado ag indi eon makapag-operate pa.
