KALIBO, Aklan—Hugot nga ginkundina it Department of Tourism ro mga turista nga gina-alegar nga naggamit it peke nga mga COVID-19 test results agud nga makasueod sa isla it Boracay.
madumduman nga an-um nga turista ro gin-aresto ko Lunes it gabi-i matapos nga sambilog eamang kanda ro may genuine nga coronavirus test results.
Angot kara, gindayaw it DOT ro naging madasig nga aksyon it Aklan Police Provincial Office sa pag-usoy sa nasambit nga mga turista.
Suno kay Tourism Secretary Bernadette Romulo-Puyat nga indi nanda pagpaeampason ro ginhimo it nasambit nga mga turista bangud sa pagbalewala sa pagtinguha nanda nga maprotektahan ag uman nga makabangon ro turismo sa Boracay.
Gin engganyo nana ro mga stakeholders ag bisita nga ipabilin nga COVID-19 free ro nagapangunang destinasyon sa nasyon pinaagi sa pagsunod sa health and safety protocols.
Nauna kara, nakipag-partner ro DOT sa University of the Philippines-Philippine General Hospital (UP-PGH) sa ginaduso nga mapanabaan ro presyo it RT-PCR tests nga nagabalor it P1,800 nga sangka requirements sa mga turista agud nga makasueod sa isla it Boracay.
