DoT nagpaandam sa mga pasaway nga establiyemento sa Boracay nga uman raya nga ipasarado kon inde magsunod sa mga rules and regulations

KALIBO, Aklan— Nagpaandam ro Department of Tourism (DoT) sa mga pasaway nga establisyemento sa Isla it Boracay nga uman raya nga igapasarado sa oras nga inde magsunod sa mga rules and regulations nga ginpatuman it ahensya.

Ro paandam it DoT hay kasunod it andang nabaton nga reklamo kaangot sa pilang ka mga establisyementong nagapatunog it mabaskog apisar nga uwa raya sound isolation system; may nagalibot nga vendor sa front beach ag ro padayon nga paghimo it sand castle nga hugot eon sa makaron nga ginabawaean sa sikat nga Isla.

Samtang, pagapamultahon man sigon it Metro Boracay Task Force ro magaeabag sa mga sueondanan nga ginapatuman it Inter-agency Task Force para sa “new” Boracay.