KALIBO, Aklan — Kabaliskaran sa napabalitang magiging magarbo ro uman nga pagbubukas it Boracay sa mga turista, ginhambae ni Department of Tourism (DoT)-6 nga sangka low-key opening ro andang gina preparahan.
Suno kay DOT-6 regional director Helen Catalbas nga gusto sigon ni Tourism Secretary Bernadette Puyat nga taw-an it igtueopangod sa reopening ro tourism sustainability sa isla.
Ginpahayag pa kara nga umpisa ku Agosto 14, kapin sa 70 establisimento pa eamang rofully compliant sa mga requirements.
Magatao eamang sigon sanda it accreditation sa mga establisimento nga compliant sa mga requirements it DILG, LGU-Malay, ag DENR.
Magatao man sigon sanda it konsiderasyon sa mga negosyante, apang ro extension hay maga depende sa desisyon ni Secretary Puyat.
Ku nagtaliwan nga adlaw hay sa Boracay si Puyat ag nakipag pueong sa pilang mga stakeholders ag nagpatigayon it inspection sa pilang mga establisimento sa isla.
