Kalibo Aklan ——-Nakataeanang magpueong sa adlaw it Huwebes ro Department of Tourism (DoT) agud nga istoryahan ro pagkaangkon it direct flight maghalin sa Korea paadto it Kalibo International Airport nga sambilog sa mga gina-agyan it mga turistang nagabakasyon sa Isla it Boracay.
Suno kay Malay Municipal Tourism Officer Felix Delos Santos nga hinduna nga hapon hay maga-abot si DoT Western Visayas regional director (RD), Cristine Mansinares sa Boracay agud nga makipagpueong sa Korea’s Attache.
Sa pihak nga parte, ginpahayag man ni Delos Santos nga sa makarun hay uman nga nanumbalik ro yuhom it mga trabahador sa Isla bangud sa padayun nga pabuhos it mga turista.
Suno kana umpisa Marso 1 hasta 8 hay nakalista eun sanda it kabilugang 37, 298 nga mga turista kun sa siin haeos may unang 3,000 hasta 6000 nga turista kada adlaw nga kaabuan hay maghalin sa CLABARZON, Central Luzon, Central ag Western Visayas.
Nasayuran nga sa makarun hay 100 percent eun nga naibalik ro tanan nga mga water ag sports activities sa Isla.
