KALIBO, Aklan — Pagataw-an it sorpresa it Department of Tourism (DoT)-Boracay ro ika-daywang milyong turista nga magabisita sa isla it Boracay makaron nga dag-un.
Suno kay Caticlan jetty port administrator Nieven Maquirang nga kumpiyansa imaw nga bago matapos ro dag-un hay maabot ro target nga 2-million tourist arrival.
Sa makaron sigon hay sa 1,961,000 eon ro mga naga bisitang turista umpisa ku Enero hasta ku Disyembre 25, 2017.
Bukon sigon it maeayo nga maangkon ro target nga tourist arrival sa nabilin nga adlaw bago magsueod ro 2018.
Gin pahayag ni Maquirang nga sa makaron hay owa pa sanda it may gin taeanang target nga tourist arrival sa madason nga dag-un.
Mabahoe nga bagay sigon ro dag-unan nga pagtaas it numero it mga naga bisitang turista sa isla.
