KALIBO, Aklan—Nag-apela ro Department of Tourism Region 6 sa mga local officials nga himuon nga “uniform” ro mga requirements nga gina-require sa mga local tourists.
Raya hay para mas pang mapabaskog ro turismo sa rehiyon eabi pa ag ginbuksan eon ro isla it Boracay sa mga domestic tourist.
Kaangot kara, nagpanawagan ro DOT-6 sa mga local nga turista nga usisaon ro ginapatuman nga health and safety protocols sa paga-adtunan nga lugar antes magbiyahe agud makalikaw sa anumang aberya.
Sa makaron hay nagapabilin sa Modified General Community Quarantine ukon MGCQ status ro bilog nga Western Visayas.
Sa pihak kara, nag-abot sa haeos 95 billion pesos ro naduea ukon nalugi sa sector it turismo sa rehiyon ko nagtaliwan nga dag-on kasunod it pagpanaeasa it Coronavirus Disease 2019 ukon COVID-19.
Base sa datus it DOT region 6, nakalista it kapin sa 6 million nga mga turista sa Western Visayas ko 2019 kung siin makarondaya man kunta kaabo nga bakasyunista ro target it ahensya ko 2020 nga magbisita apang napas-eawan bangud sa deadly virus.
