KALIBO, Aklan—Nakataeana nga makipagpueong si Department of Tourism (DOT) Secretary Bernadette Romulo-Puyat sa lokal nga gobyerno it Malay Aklan.
Base sa report, gustong usisaon it opisyal si Malay mayor Frolibar Bautista angot sa pila ka mga covid-19 violations sa isla it Boracay.
Nataeopangdan sigon ro pilang pagpabaya it lokal nga gobyerno sa pagbantay ag pagmonitor sa mga establishimento nga nauna eon nga ginpasugtan nga magbukas it andang negosyo sa tunga it pandemya halin kat ginbuksan man ro isla sa mga turista.
Kinahang-ean suno kay Puyat nga maging strikto ro LGU sa implementasyon it mga health protocols eabi eon ag nagahilapit ro selebrasyon it Paskwa ag Bag-ong Dag-on nga ginaeauman ro pagdagsa it mga turista agud nga idto itaeana ro mahabang bakasyon.
Ginpahayag dugang ni Puyat nga kailangan i-maintain nga maging covid-19 free ang isla upang makabawi sa nalugmok nga pagkalugi sa industriya it turismo.
