KALIBO, Aklan–Nakaangkon eon it pirmahan sa Memorandum of Agreement sa tunga it Department of Transportation ukon DOTr ag lokal nga gobyerno it Kalibo.
Raya hay may kaangtanan sa problema it mga apektadong residente it airport expansion.
Suno kay Carla Doromal, executive assistant 1 to the mayor nga personal nga nagpadueong sa Metro Manila si Kalibo mayor Juris Sucro agud nga makipag-angot sa nasambit nga ahensya kon siin nakipag-angotan kara si Atty. Roberto Lim, DOTr undersecretary for avaition and airports kon siin kapin sa P250 milyon pesos ro nakataeana nga kantidad para sa masobra sa sang gatos nga apektado it nasambit nga proyekto.
Antes pa man nakaangkon it pirmahan sa tunga it LGU ag DOTr hay ginreview it sangguniang bayan it Kalibo ro MOA pinaagi sa andang ginpatigayon nga special session kon siin gintaw-an it mga raya it pahanugot ro akalde nga magsueod sa nasambit nga kasugtanan.
Direkta nga igadownload ro pondo sa LGU ag kaparte it kantidad hay igataeana para sa relocation site ag housing unit it affected residence.
Naipaguwa eon man sigon it DOTr ro listahan kon sin-o ro nagakadapat nga mabayaran sa nasambit nga haega it pondo.
