KALIBO, Aklan—Matapos nga ginpasuspinde it Department of Transportation ukon DOTr ro mandatory testing sa Private Motor Vehicle Inspection Centers ukon PMVIC, igabalik anay ro dating registration process sa Land Transportation Office ukon LTO.
Suno kay LTO-Aklan head Engr. Marlon Velez nga raya hay nagakahueugan nga pagataw-an it option ro mga motorista nga magpili kon pagadaehon ro andang mga saeakyan sa PMVIC ukon sa Private Emission Testing Center para sa kinahangeanon nga vehicle inspection.
Sa pihak it natabu,ro PMVIC sigon sa Aklan hay magabukas gihapon sa masunod nga domingo.
Ginklaru pa ni Engr. Velez nga obligado ro mga motorista nga mag-agi sa andang taeatapan agud nga magpaidaeum sa roadworthiness inspection kon ro andang saeakyan hay gindaea sa Private Emission Testing Center.
Sobra eamang suno kana it 250 pesos ro pagabayaran sa motorsiklo samtang sa light vehicles hay 220 pesos sa PMVIC kontra sa PETC.
Sa pihak nga parte, umpisa suno kana sa setyembre 6 hay magiging online eon ro andang registration sa pag-arangkada it andang land transportation management system.
