KALIBO, Aklan—Magapanupod it e-trikes ro Department of Transportation (DOTr) sa mga katutubong ati sa isla it Boracay.
Suno kay DOTr Secretary Arthur Tugade nga posibleng sa masunod nga domingo hay igatau eon raya kanda.
Ginpahayag dugang nga mag-eowas kara hay igapaidaeum man sanda sa orientation agud nga maeakip sa libreng sakay program sa idaeum it Service Contracting Program it ahensiya ag Land Transportation Franchising and Regulatory Board (LTFRB.)
Makaangkon sigon it sweldo ro mga katutubo sa nasambit nga programa.
Madumduman nga ko nagtaliwan nga domingo, 42 nga mga katutubong ati ro nataw-an it libreng student license sa pagpanguna it land transportion office ukon LTO.
Ro libreng sakay program hay para sa mga essential workers agud nga masabat ro andang kabudlay sa pagbiyahe ag mapahagan-hagan ro gastos sa pamasahe sa tunga it pandemya.
