KALIBO, Aklan—Naglunsar it sangka proyekto partikular ro libreng sakay ro Department of Transportation (DOTr) sa probinsya it Aklan.
Suno kay DOTr Secretary Arthur Tugade, ro proyekto hay para sa mga medical workers, essential workers ag Authorized Persons Outside Residence (APOR).
Pwede sigon nga makaangkon it free ride ro mga natungdan nga indibidwal sa mga bus ag modernized jeepney nga may kontrata sa DOTr.
May kapin sa 15 suno kana nga ruta makaron nga paga-agihan ro mga nasambit nga bus ag jeepney.
Gindugang pa ni Secretary Tugade nga may 27 ka mga bus nga pagagamiton para sa libreng sakay.
Ro nasambit nga mga behikulo suno kana hay may nakabutang nga streamer sa printi.
Pag-abot sigon sa destinasyon, owa it maskin pila nga pagabayaran ro mga frontliners.
