KALIBO, Aklan–Pormal eon nga ginbuksan ro double “AA” standard nga slaughterhouse sa barangay Tinigao, Kalibo.
Apang ginklaru ni Uriel Las Piñas, Municipal Agricultural Officer it LGU-Kalibo nga amat-amat pa eamang ro operasyon kara.
Ro mabahoe ag moderno nga slaughterhouse hay kauna-unahan sa unang distrito it probinsiya it Aklan.
Sa oras nga mabo-oe ro accreditation halin sa national meat inspection service ukon NMIS hay maga-apply eon man sanda agud nga ma-upgrade raya sa triple A standard.
Pinaagi sa bag-ong pasilidad hay makasigurado sigon ro mga consumers sa banwa ag kaiping nga mga lugar it malimpyo ag eowas nga karne.
Ro tanan sigon nga kagamitan hay upgraded agud nga makasunod sa Good Manufacturing Practice nga nakabase sa standards it NMIS.
Makabig suno kana nga long overdue eon ro operasyon kara bangud sa naexperiensiyahan nga pandemya.
Ro proyekto hay nabilog sa idaeom it Public-Private-Partnership (PPP) kung siin kapartner it LGU ro Philippines Slaughterhouse Management Office nga nakabase sa Batangas.
