KALIBO, Aklan—Ginklaru it Department of Public Works and Highways ukon DPWH-Aklan nga bukon it sakop it andang hurisdiksyon ro pag-repair sa ginareklamo nga guba-guba nga karsada sa diversion road sa Barangay Poblacion sa banwa it Altavas.
Suno kay Engr. Joey Ureta, head it maintenance section it DPWH Aklan nga owa raya naeakip sa andang budget allocation halin sa national office.
Ro andang pondo sigon hay naka alokar eamang para sa maintenance and repair it national roads ag mga tulay.
Pwede sigon sanda nga makapadaea it baeas nga pangtambak, apang indi pa nanda matutukan bangud nga masako pa sanda makaron.
Sa pihak nga parte, aminado si Engr. Ureta nga bukon it tanan nga lugar sa ginakabig nga accident prone area sa parte it Kalibo-Makato-Lezo circumferential road region hay nabutangan nanda it barikada.
Suno kana nga ro nasambit nga proyekto hay sakop it DPWH-Regional Office.
Madumduman nga nauna eon nga ginareklamo ro lugar bangud nga pilang motorista ro sumemplang kara ag tumugpa sa kanae nga gintunaan it andang kamatayon kun sa siin ro pinaka ulihi hay ro 3rd year engineering student nga si Joshua Franz Gaviola.
Ro mga serye it aksidente sa lugar hay ginpaabot eopn sa DPWH Region 6.
