KALIBO, Aklan–Ginpasiguro it Department of Public Works and Highways (DPWH)-Aklan nga ginahimo nanda ro tanan agud nga matapos eon ro pagrepair sa mga patholes sa mga national highway it probinsya.
Suno kay Engr. Joey Ureta, Maintenance Division Chief it DPWH-Aklan nga partikular nanda nga ginatutukan makaron ro eastern side.
Ginatinguhaan sigon nanda nga matapos sa mas madali nga panyempo ro pagrepair sa mga mabahoe nga patholes halin Kalibo paadto it Altavas.
Medyo nalisdan eamang sigon sanda bangud sa unstable nga tyempo bangud hot mix asphalt ro andang ginabutang.
Sa kamatuoran suno kana hay naga-overtime eon ro andang mga tawuhan agud nga mapadasig ro trabaho.
Sa makaron, mga maisot lang sigon nga buho ro nabilin sa national highway nga sakop it Kalibo paadto it Banga.
Presente sigon nga nakatutok ro andang maintenance team sa parte it Brgy. Aranas, Balete.
