KALIBO, Aklan–Ginpasiguro it Department of Public Works and Highways (DPWH)-Aklan nga magahimo sanda it nagakaigo nga aksyon angot sa nagakatabo nga pagbuho-buho sa nalikod nga porsyon it revetment wall sa bahin it Brgy. Sigcay, Banga.
Suno kay Engr. Joey Ureta, Chief Maintenance Division it DPWH-Aklan nga nakataeana sanda nga magpatigayun it inventory makaron nga adlaw sa lugar para maubrahan raya it report.
Tuyo man sigon kara nga masayuran ro repair cost it na-damaged nga porsyon it revetment wall.
Nasayuran nga nagtuga it mabahoe nga pagkabaeaka sa mga residente nga maeapit sa lugar ro nakita nga mga buho-buho sa likod nga parte it estaka.
Posible sigon nga bangud sa mabaskog nga sueog it tubi, pagbaha ag pag-us-os it baeas ro naging rason kara.
Ginpahayag pa ni Engr. Ureta nga una sandang nakabaton it kapareho nga concern ko Disyembre 2021 kung siin insigida man nanda raya nga gin-aksyunan.
