KALIBO, Aklan–May gintaeana anay nga temporaryong assistant district engineer ro Department of Public Works and Highways ukon DPWH-Aklan.
Raya hay matapos nga pormal eon nga nagretiro sa serbisyo si dating assistant district Engineer Leo Bionat.
Temporaryong ginbutang sa pwesto si Engr. Evelyn Dela Vega, nagatindog nga chief of sections it nasambit nga taeatapan.
Naging epektibo ro retirement ni engr bionat ko Hulyo 15 rason nga ko Hulyo 16 hay pormal man nga nagpungko bilang officer-in-charge it nasambit nga posisyon si Engr. Dela Vega.
Ginklaru ni Engr. Ventilacion nga ginahueat pa nanda ro rekomendasyon it regional office kon sin-o ro permanenteng magapungko sa nasambit nga pwedto.
Sa pihak nga parte, ginkumpirma ni Engr. Ventilacion nga sa makaron hay 6 pa sa andang mga empleyado ro naka-quarantine matapos nga magpositibo sa covid 19.
Gin-isolate man sigon ro iba nga nakasalamuha it nasambit nga mga nagpositibo.
May patakaran sigon sanda makaron nga ginatutukan it kada head of office nga engkaso nga makaangkon it maeain nga pamatyag hay insigidang ginapa-isolate agud nga indi eon maapektuhan ro andang operasyon.
