KALIBO, Aklan—Sa pihak it ginapangatubang nga Coronavirus Disease ukon COVID-19 pandemic, naka-full blast ro ginapatigayon nga phase 2 it rehabilitasyon sa konstruksyon it mga karsadahon.
Suno Deparment of Public Works and Gighways ukon DPWH-Aklan District Engineer Noel Fuentebella nga target kunta nanda nga matapos ro proyekto sa buean it Agosto ukon Setyembre , apang naatrasar matapos ro ginpatuman nga lockdown tuga it COVID-19.
Ro pag-ayos sigon sa 1.9-kilometer nga karsada halin sa Elizalde property maeapit sa Balabag Plaza hay maga-konekta sa bag-ong tapos nga 4.122-kilometer nga karsada halin sa Cagban port paagto sa Barangay Balabag.
Kaibahan sa proyekto ro pagpaeapad sa 3.3-kilometer nga daean sa 12 meters nga may kaibahan nga plant strip, drainage system, walkways, ag bicycle lanes sa magtimbang nga parte.
Raya hay may kabilugan nga pondo nga P300 million pesos.
Sa pihak nga parte, gindugang pa ni Engr Fuentebella nga maabu eon sanda nga patapos nga proyekto sa aklan.
Apang bangud sa pandemya hay haeos katunga it pagpaguwa it pondo hay na-delay maskin nga natigayon eon nanda nga mapaidaeum sa bidding ro proyekto.
Ginpasiguro man sigon it ahensiya nga maipaguwa ro pondo.
