Kasunod sa nagapadayon nga operasyon it Department of Public Works and Highways sa pagsaayos sa mga buho-buho sa national highway sa eastern ag western side it Aklan hay ro pagtuhaw man it sangka landslide sa may porsyon it Brgy. Gibon Nabas, Aklan.
Ginkakibot sigon nanday Engr. Joey Ureta – Chief Repair and Maintenance it DPWH-AKLAN ag anang bilog nga grupo ro nasambit nga landslide nga nagtuhaw kahapon it agahon sa nasambit nga lugar.
Raya hay sa pihak sigon nga sa andang pagmonitor sa mga karsadahon hay nakitaan nandang may pag-us-os sa pilang ka mga porsyon it eogta partikular sa may Brgy. Rizal, Nabas.
Suno pa kana nga pamaagi sa mga kagamitan it ahensya hay ginkabuligan nanda kaibahan ro Nabas MDRRMO nga mahakot ag malimpyohan ro mga naghugos nga eogta maghalin sa kabukiran sa nasambit nga lugar.
Angot kara, owa man naapektohan ro ibang porsyon it karsada sa banwa it Nabas bangud sa nasambit nga insidente.
Sambilog sigon sa andang nakikita nga rason it paghumok ag daeayon nga paghugos it eogta hay bangud sa sigidas nga pag inuean-uean.
Sa makaron, nagapadayon sigon suno kay Engr. Ureta ro andang operasyon para sa mas mapanami nga national highway sa eastern ag western side it probinsya it Aklan.