Ginkumpirma ni Engr. Joey Ureta, head it maintenance section it Department of Public Works and Highways ukon DPWH Aklan nga ko nagtaliwan pang dag-on 2008 to 2009 naiturn-over sa lokal nga gobyerno ro proyektong Altavas bypass road rason nga sanda eon ro may poder para sa pagmaintain kara.
Bukon sigon raya it sakop it national roads and bridges nga sa idaeom it andang hurisdiksyon.
Apang bangud sa mabahoe raya nga problema sa riding public eabi eon sa mga nagaagi adlaw-adlaw hay nagtanyag sanda it temporaryong bulig.
Makit-an suno kay Engr. Ureta ro madaeom ag kabahoe nga buho rason nga anda raya nga pagatapalan apang temporaryo eamang ro andang trabaho bangud nga bukon raya it sakop sa andang pondo nga nakataeana sa pagrepair sa mga nagapangunang karsadahon.
