KALIBO, Aklan—Nagapadayon sa pag-repair it mga potholes ro Department of Public Works and Highway (DPWH) Aklan nga makit-an mga nagapangunang karsadahon.
Suno kay Engr. Joey Ureta, head it maintenance division it DPWH-Aklan, uwa man nanda ginapabay-an ro mga buho agud nga maging eowas ro mga motorista sa andang pagbyahe.
Suno pa kana, haeos tanan eon nga mga potholes sa Aklan West Road hay repaired eon man maghalin sa Caticlan paagto sa banwa it Buruanga.
Apang, sigidas pa ro maintenance ag pag-ubra sa mga potholes sa Aklan East road kon sa siin nagtuhaw raya bangud sa mga pag-uean-uean ko buean it Nobyembre ag Disyembre nga gintunaan it pagkasamad it karsada.
Nasayuran nga nag-umpisa man ro pag-repair sa Sapian, Capiz ag sa Altavas, Aklan paagto sa Poblacion ko buean it Disyembre rason nga sangkiri eon lang ro mga buho.
Sa makaron, anda nga gina-una ro mga mabahoe nga potholes bangud sa pagbuhin it andang manpower agud nga maayos eagi ro mga raya para sa kaeowasan it mga byahero.
