KALIBO, Aklan—Suportado it Department of Public Works and Highway ukon DPWH-Aklan ro ginpasa nga draft resolution it sangka Sangguniang Bayan member sa banwa it Kalibo may kaangtanan sa plano nga pagbutang it traffic lights sa intersection it Lezo ag Tigayon.
Suno kay Engr. Joey Ureta, chief it maintenance division it DPWH-Aklan nga mas manami nga mabutangan it traffic lights ro nasambitan nga lugar agud nga makalikaw ro mga motorista sa aksidente.
Dugang pa kara nga makabulig ro traffic light agud nga maging mahayag ro lugar kung gabi-e ag mas madasig nga makit-an it mga motorista ro intersection.
May kaangtanan kara, ginpahayag man ni Engr. Ureta nga haom ro andang taeatapan agud nga maggiya kung maaprubahan eun ro nasambitan nga proyekto it LGU.
