KALIBO, Aklan—Antes nga matapos ro buean it Pebrero, uman nga pagapadayunon it Department of Public Works and Highways ukon DPWH ro andang construction sa phase 3 it road rehabilitation sa isla it Boracay.
Raya hay may pondo nga naga-abot sa 237 milyon pesos nga ginaeakipan it pag-ayos sa nabilin nga 11.64 kilometers nga Boracay circumferential road, ag iba pang karsada partikular sa Crossing Rotonda hasta sa Cagban Port sa Barangay Manocmanoc, 24/7 Bulabog hasta Ati village sa Barangay Balabag, 24/7 sa main road, ag Wetland 6 hasta Ati village.
Kaibahan pa kara ro boardwalk nga nagahaba it sang kilometro sa Ati village nga pagagamiton nga alternatibong daean para sa emergency ag rescue vehicles sa Barangay Balabag.
Nasayuran nga ro Boracay Inter-Agency Task Force ro naka-monitor sa nagapadayun nga rehabilitasyon sa isla.
Hasta eon lang sa Mayo 8, 2021 ro termino it task force mag-eowas eamang kon pagapaeawigon pa raya ni President Rodrigo Duterte.
