KALIBO, Aklan–Ginpasidunggan it 18th Sangguniang Panlalawigan (SP) it Aklan ro onga it veteran newsman nga si Juan P. Dayang Sr.
Pinaagi sa Resolution of Commendation nga gin-award sa ginpatigayon nga regular session, ginkilaea it SP si Dr. Juan E. Dayang Jr. bilang town’s most illustrious son ag ro pagiging diplomat kara kon sa siin imaw sa makaron ro head it Department of Foreign Affairs’ (DFA) intelligence and security unit.
Kaeakip sa magiging assignments ni Dr. Dayang hay ro pagpadueong sa South Korea, Australia, Czech Republic, North ag South America kamana man sa Middle East.
Bilang senior rank sa nasambitang ahensya, gintalakay kara ro pila ka mga isyu kaangot sa naga-inabo nga numero it chinese sa nasyon ag ro nagapadayon nga paeag sa seguridad it mga pumueoyo kasunod sa pag-eapnaag it komunista nga nagiging terorista.
Suno kana, imbes nga kontrahon ro gobyerno pinaagi sa mga hub-eag protesta hay mas makamayad nga maghimo eon lang ro mga raya it tikang kon paano makabulig sa pag-umwad it nasyon.
Si Dr. Dayang hay kilaea sa pagiging globalist, organizer ag social mover.
Mag-eowas kara, naangkon man nana ro leadership certificate halin sa United Nations University ko 1997 kon sa siin ro anang naging exposure hay ro initiatives on international migration, anti-trafficking in persons and peace studies.
