KALIBO, Aklan— Uwa man nakuhit ro bueawang medalya sa kakatapos eamang nga 2019 Kaohsiung City Cup Dragon Boat Tournament sa nasyong Taiwan hay masadya gihapon ro koponan it Boracay Allstars nga nadayon ro mga raya sa nasambitang kompetisyon.
Igauli it koponan sa nasyon ro daywang medalya nga ginakaeakipan it silver medal nga nakuhit nanda sa 200m mixed small boat ag bronze medal man ro andang naangkon sa 500m mixed small boat.
Samtang, 3rd Place mat-a sanda sa 500m mixed standard boat samtang una sanda sa 4th Place sa 200m mixed standard boat.
Nasayuran nga kaibahan kunta sa nasambitang kompetisyon ro Boracay Dragon Force team apang bangud sa trahedya hay naga-isaeahanon ro Boracay Allstars nga sumabak sa international tournament.
Madumduman nga kapin sa pitong paddlers ro namatay samtang 14 man ro nakaeowas kat tumik-eob ro andang ginasakyang dragon boat sa Sitio Lingganay, Barangay Manocmanoc sa nasambitang isla samtang naga-ensayo ko Oktobre 25 it presenteng dag-on.
Ro nasambitang tournament hay ginpatigayon ko Nobyembre 8-10, 2019.
Dragon boat team it Boracay, humakot it medalya sa 2019 Kaohsiung City Cup
-- ADVERTISEMENT --
