“You are evil!”
Raya ro ginpahayag it sangka pasahero sa taxi driver nga anang nasakyan sa England matapos nga medyu “ginhostage” ro alaga nana nga kuring bangud nga indi imaw makabayad it pamasahe.
Haeos nagatangis ag naga-euhod eon ro pasahero sa pagpakitluoy sa driver.
Pauman-uman man nana nga ginahana nga buksan ro pwertahan sa likod it saeakyan samtang nga nagasinggitan.
Apang owa it paki-alam ro taxi drayber ag nagmaniobra samtang sigidas man ro pagsinggitan it eaeaking pasahero.
Ginbaeabagan pa nana ro taxi, hasta nga uman imaw nga nagpakitluoy.
Base sa report, ginasukot it drayber it pamasahe ro pasahero apang owa sigon nagabayad ro eaeaki.
Bangud kara, ginhostage it driver ro anang alagang kuring sa backseat.
Nagbuhay it pilang minuto ro pagsaeabtan it daywa.
Hasta nga nag-ueahab eon ro pasahero.
Ginbo-oe it drayber ro pagka-lock it pwertahan it seakyan.
Ko ulihi hay nagbayad eon lang ro pasahero apang masyadong maeain ro anang buot sa gin-obra kana it driver
Bukon pa it klaru kon magapasaka it reklamo ro pasahero.
